Løypa

Løypa vert fastlagd tett inntil renndagen ut frå vêr og snøtilhøve. På heimesida og Facebook legg me ut informasjon om endringar fortløpande. Løypa kan inspiserast frå kl. 18 dagen før løpet.

Viktigast å hugse:
– Rekn god tid til start, spesielt for 1. og 2. etappe
– Ha med varme kle og nok mat
– Kontrollveging av sekken på 1. etp.
– For superkjeringar: sette frå seg utstyret på veg opp

Bileta under er under «oppussing».

Til start

1.-3. etappe må ta seg til Kleppa for å komme seg til sine startar. Bilparkeringa på Kleppa er forbehaldt superkjeringar og deltakarar på 1. etappe og vi oppmodar til samkøyring grunna begrensa kapasitet. Det er ca. 4 km på bilveg frå sentrum opp til Kleppa; følg skilt. Superkjeringar  kan stoppe innom barneskulen/Syril stadion på veg opp for å sette frå seg sykkel. Frå kl. 11 vil det gå shuttlebussar frå Elihaug for dei som har 2. og 3. etappe. Merk at vegen frå bustadområdet og opp vil bli stengd for biltrafikk frå kl. 11 og til konkurransen er over.

Løparar på 4. etappe møter ved barneskulen/Syril stadion.

Gangtider frå Kleppa:
Start 1. etappe (Kjeringafjell): Om lag 3 timar – 8 km, ca. 1000 høgdemeter
1. veksling (Damefall – langrenn): 30 minutt – 2 km, 120 høgdemeter
2. veksling (Kleppa – springing): 0-15 minutt, avhengig av snøforhold

Toalett: Det er toalett i skihytta på Kleppa, men ingen toalettfasilitetar ved start for 1. og 2. etappe. Do-besøk må her gjerast «i det fri».

Superkjeringar må sette frå seg sykkel ved barneskulen, henge frå seg springeskoa på stativ på Kleppa og sjølv bere med seg langrennsskia for 2. etappe opp til vekslingsområdet (2 km). På veg opp til Kjeringafjell passerer ein 1. og 2. veksling.

Frå Damefall og opp til Kjeringafjell følgjer ein traseen for 1. etappe, slik at ein kan studere løypa. Vi oppmodar til å rekne god tid opp til start, spesielt for 1. etappe, slik at ein ikkje slit seg ut allereie før starten går. Ta deg tid til gode pausar undervegs. Er det mykje vind i fjellet er Discohola i botn av bratthenget etter ca. 6 km ein god plass for matpause. Ha med varme og vindtette kle.

På toppen av Kjeringafjell:

  • Ein bør rekne 30 min til førebuingar før start: Ordne utstyr, skifte, spise, gå på do
  • Deltakarane må få sekken kontrollvegd av arrangøren før start. Sjå krav til vekt lenger ned. Dette gjerast ved varden på toppen og ein får ei kvittering på sekken.
  • Startoppstillinga skjer i 2-3 rader basert på startnummer (par-/oddetal) og det er skilta på start kva nummer som står i kvar rad. Pass på å stille deg i rett rad.
  • Tidtaking: Det er inga aktivering av brikken på start. Brikken vert kopla til lag/person ved henting av startnummer. Pass på å bruke rett brikke, og gje om mogleg beskjed til arrangør om du har mista/forveksla brikken.

Vekslingane

Veksling skjer innanfor markerte vekslingssoner etter passering av tidtakingsline. Vis omsyn til andre lag og superkjeringar som skal passere; ikkje gå inn i vekslingssona før lagkameraten din er på tur inn. Det er god plass til oppvarming og anna førebuing ved vekslingane. Ved 1. veksling (Damefall) finst løyper ein kan bruke til skitest.

1. Etappe – Telemark/randonee

Frå Kjeringafjell (1314 moh.) til Damefall (500 moh.) er fallhøgda drøye 800 meter og lengda over 6 km. Det er fellesstart for alle klassar på toppen kl. 13:14. Første stykket er det ganske flatt og her kan ein tene mykje tid på å stake eller skøyte effektivt. Med 50-100 meter mellomrom er det styreportar i løypa. Normalt vert heile løypa preparert med unntak av ca. 500 m i bratthenget ned Kjeringafjell. Det er ikkje krav til telemarksvinging.

Obligatorisk utstyr:
– Hjelm
– Ryggsekk på minimum 5 kg (10-14 år og superveteran damer: 3 kg sekk)
– Binding med hel som kan løftast på tur opp (kan ha fast hel på nedfarten): telemark-, randoneebinding eller gåadapter til alpinski.

2. Etappe –Langrenn

Frå Damefall (500 moh.) til Kleppa (400 moh.).

Det er oppkjørt langrennsløype mellom Damefall og Kleppa. Mellom 3-5 km (meir nøyaktig distanse vil komme når ein veit vêr/føre). Det er veksling ved skihytta til Syril nede på Kleppa, såframt snøen rekk heilt ned dit. Heile løypa vert merka.

Utstyr: Langrennski og -stavar
Stilart: Klassisk

3. Etappe – Springing

Frå Kleppa (400 moh.) til Syril Stadion (100 moh.) er fallhøgda 300 m og lengda ca. 4 km. Underlaget er ca. 60 % grus og 40 % asfalt. Dei åra det er lite snø kan starten på springeetappen vere 50-100 meter høgdemeter lenger opp.

Utstyr: Me anbefalar gode joggesko.

4. Etappe – Sykling

Frå Syril Stadion (100 moh.) til Hanahaug (2 moh.) er fallhøgda 100 meter og lengda 8-10 km. Løypa går i hovudsak på veg med grus- og asfaltdekke, med nokre parti over jorde og gjennom frukthagar. Merka løypa skal følgjast.

Obligatorisk utstyr: Hjelm
Vi anbefalar sykkel med dekk som har godt grep.

Mål:

På Hanahaug ved Leikanger Fjordhotel.

– Deltakarane får saft frå Lerum og bananar frå Bama
– Kiosk og ulike salsbodar
– Servering i hotellhagen
– Sogn Fjordsymjeklubb inviterer til fjordplask og kjeringvask kl. 15:14.

Underhaldning og premieutdeling frå scena.